សេចក្តីជូនដំណឹងស្តីពីភាពយឺតយ៉ាវនៃការតភ្ជាប់ការហៅទូរស័ព្ទតាមផ្ទាលតេឡេក្រាម
នៅថ្ងៃទី០៩ ខែមិថុនា ឆ្នាំ២០២៦ និយ័តករទូរគមនាគមន៍កម្ពុជា បានចេញសេចក្តីជូនដំណឹងស្តីពីភាពយឺតយ៉ាវនៃការតភ្ជាប់ការហៅទូរស័ព្ទតាមផ្ទាលតេឡេក្រាម។
នាពេលថ្មីៗនេះ និយ័តករទូរគមនាគមន៍កម្ពុជា (ន.ទ.ក.) បានសង្កេតឃើញថា អ្នកប្រើប្រាស់មួយចំនួន បានជួបប្រទះភាពរអាក់រអួលក្នុងការប្រើប្រាស់ផ្ទាលតេឡេក្រាម (Telegram)។ ភាពរអាក់រអួលនេះភាគច្រើន ពាក់ព័ន្ធនឹងការតភ្ជាប់ការហៅសំឡេង និង/ឬវីដេអូ ដែលអាចមានការពន្យារពេលប្រមាណពី ៥ ទៅ ១០ វិនាទី មុននឹង ការភ្ជាប់អាចដំណើរការបានពេញលេញ។ ករណីនេះអាចប៉ះពាល់ដល់គុណភាពនៃកិច្ចសន្ទនា ជាពិសេសចំពោះ អ្នកដែលប្រើប្រាស់តេឡេក្រាមសម្រាប់គោលបំណងធុរកិច្ច ការងារ និងការទំនាក់ទំនងប្រចាំថ្ងៃ។
និយ័តករទូរគមនាគមន៍កម្ពុជា
